بھارت کے معروف گلوکار بادشاہ کے خلاف ان کی نئی میوزک ویڈیو پر اعتراضات کے بعد مقدمہ درج کر لیا گیا ہے۔
بھارتی میڈیا رپورٹس کے مطابق یہ مقدمہ ریاست ہریانہ کے شہر پنچکولہ کے رہائشیوں کی جانب سے درج کرایا گیا ہے جنہوں نے گلوکار کے حالیہ ریلیز ہونے والے گانے تاتیری کے الفاظ اور فلم بندی پر اعتراض اٹھایا ہے۔
رپورٹس کے مطابق شہریوں کا مؤقف ہے کہ گانے کے بعض مناظر اور بول قابل اعتراض ہیں جس کے باعث انہوں نے قانونی کارروائی کا مطالبہ کیا۔
پولیس کے مطابق گلوکار کے خلاف سائبر کرائم پولیس اسٹیشن میں بے حیائی سے متعلق قانون کے تحت مقدمہ درج کیا گیا ہے اور معاملے کی تحقیقات جاری ہیں۔
بھارتی گلوکار بادشاہ کے خلاف نئی میوزک ویڈیو پر مقدمہ درج
