اسلام آباد میں شوال کا چاند دیکھنے کے لیے مرکزی رویت ہلال کمیٹی کا اجلاس جاری ہے، جس کی صدارت چیئرمین مولانا عبدالخبیر آزاد کر رہے ہیں۔
اجلاس میں کمیٹی کے اراکین کے ساتھ ساتھ محکمہ موسمیات اور سپارکو کے نمائندے بھی شریک ہیں، جو مختلف علاقوں سے موصول ہونے والی معلومات اور سائنسی ڈیٹا کا جائزہ لے رہے ہیں۔
مرکزی رویت ہلال کمیٹی ملک بھر سے چاند نظر آنے یا نہ آنے سے متعلق شواہد جمع کرے گی، جس کے بعد حتمی فیصلہ کیا جائے گا کہ عیدالفطر کب منائی جائے گی۔
ذرائع کے مطابق رویت ہلال کمیٹی کا اعلان ہی عید کے تعین کے لیے حتمی سمجھا جائے گا، اور عوام اسی اعلان کے مطابق عیدالفطر کی تیاری کریں گے۔
شوال کا چاند دیکھنے کیلئے مرکزی رویت ہلال کمیٹی کا اجلاس جاری
