سٹی کورٹ کراچی،وکلا کا رجب بٹ پر دھاوا، رجب بٹ زخمی

سٹی کورٹ کراچی میں یوٹیوبر رجب بٹ پر وکلاء نے دھاوا بول دیا، تشدد سے رجب بٹ زخمی ہوگئے۔

کراچی کی سٹی کورٹ نے یوٹیوبر رجب بٹ کی عبوری ضمانت میں 13 جنوری تک توسیع کردی۔عدالت میں پیشی کے دوران وکلاء نے یوٹیوبر کو تشدد کا نشانہ بھی بنایا، تشدد سے رجب بٹ زخمی ہوگئے۔وکلا نےان کی شرٹ پھاڑ دی۔ رجب بٹ کے وکلا بیچ بچاؤ کی کوشش کرتے رہے۔

رجب بٹ عبوری ضمانت کے لیے سٹی کورٹ میں پیش ہوئے تھے، جہاں اچانک وکلاء کے گروہ نے ان پر حملہ کر دیا۔ واقعے کے فوراً بعد پولیس اور عدالتی عملے نے موقع پر پہنچ کر صورتحال پر قابو پایا،ذرائع کے مطابق، حملے کی وجوہات ابھی تک واضح نہیں ہو سکیں اور وکلاء تنظیموں کی جانب سے اس معاملے پر کوئی باضابطہ ردعمل بھی سامنے نہیں آیا،دوسری جانب عدالت نے رجب بٹ کی عبوری ضمانت میں 13 جنوری تک توسیع کر دی۔ عدالتی کارروائی مختصر رہی اور زخمی یوٹیوبر کو فوری طور پر اسپتال منتقل کر دیا گیا۔ قریبی ذرائع کے مطابق، رجب بٹ کی حالت خطرے سے باہر ہے،پولیس حکام نے واقعے کی تحقیقات شروع کر دی ہیں اور عدالتی احاطے میں لگے کیمروں کی فوٹیج حاصل کی جا رہی ہے۔ پولیس نے واضح کیا ہے کہ قانون کے خلاف کسی بھی کارروائی کو برداشت نہیں کیا جائے گا اور ذمہ داروں کے خلاف سخت کارروائی کی جائے گی۔