اوکاڑہ (نامہ نگار ملک ظفر)ڈپٹی کمشنر احمد عثمان جاوید کی ہدایت پر سول ڈیفنس آفیسر جاوید اختر کھچی کی کسٹمز حکام کے ہمراہ پٹرول پمپس کی چیکنگ، انہوں نے ضلع کے متعدد پٹرول پمپس کی انسپکشنز میں اور مشترکہ کاروائی کے دوران متعدد پٹرول پمپس کے قانونی ریکارڈ، بالخصوص "کے” فارم (K-Form)، این او سیز اور دیگر ضروری دستاویزات کی باریک بینی سے چیکنگ کی گئی۔ چیکنگ کے دوران پٹرول پمپس مالکان نے موقع پر مطلوبہ قانونی کاغذات اور حفاظتی سرٹیفکیٹس فراہم کیے۔
سول ڈیفنس آفیسر جاوید اختر کھچی نے کہا کہ پٹرول پمپس پر "کے” فارم کی موجودگی اور حفاظتی تدابیر پر عملدرآمد قانوناً لازمی ہے۔ جو پمپس مالکان مقررہ وقت کے اندر اپنے مکمل کاغذات پیش نہیں کریں گے، ان کے خلاف سخت اقدامات کیے جائیں گے اور انہیں کاروبار کرنے کی ہرگز اجازت نہیں دی جائے گی۔ سول ڈیفنس آفیسر نے واضح کیا کہ حکومتی ہدایات کے مطابق پٹرول پمپس کی انسپیکشن کا سلسلہ تسلسل سے جاری رکھا جائے گا اور کاغذات کی عدم فراہمی پر پٹرول پمپس کے مالکان کو بھاری جرمانے کرنے کے ساتھ ساتھ ان کے پٹرول پمپس کو سیل کر دیا جائے گا۔