آبنائے ہرمز کی بندش سے دنیا کو تاریخ کے بڑے تیل بحران کا سامنا ہے، ایشیاء میں ایندھن کی شدید قلت سے پاکستان سمیت کئی ممالک متاثر ہیں۔
امریکی میڈیا نے تیل کی قیمت 200 ڈالر فی بیرل تک جانے کا خدشہ ظاہر کردیا، طلب کم کرنے کیلئے قیمتوں میں مزید اضافہ ناگزیر قرار دیا گیا ہے،امریکی اشاعتی و نشریاتی ادارے بلوم برگ نے ایران سے امریکا اور اسرائیل کی جنگ طویل ہونے کی صورت میں عالمی معیشت کو بڑا دھچکا لگنے کا انتباہ کردیا۔رپورٹ میں کہا گیا کہ آبنائے ہرمز کی بندش سے عالمی تیل سپلائی میں یومیہ تقریباً 11 ملین بیرل کی کمی ریکارڈ کی جارہی ہے۔ ایل این جی سپلائی متاثر ہونے سے گیس بحران بھی سر اٹھا چکا ہے۔رپورٹ کے مطابق یورپ میں ڈیزل کی قلت کے خطرات بڑھ گئے ہیں، عالمی مہنگائی میں اضافہ اور معیشتوں پر دباؤ تیز ہورہا ہے، کئی ممالک نے ایندھن بچانے کے اقدامات اور راشننگ شروع کردی ہے۔بلومبرگ کے مطابق سعودی عرب اور یو اے ای متبادل راستوں سے سپلائی بڑھانے کیلئے کوشاں ہیں، بحران سے نمٹنے کیلئے عالمی ذخائر بھی استعمال کیے جا رہے ہیں لیکن یہ حل مستقل اور پائیدار حل نہیں۔
دوسری جانب ایران کا جوابی وار، صیہونی ریاست پر میزائل داغ دیے، شارجہ میں بھی ڈرون حملہ، ٹیلی کام کمپنی کی عمارت کو نشانہ بنایا گیا۔دبئی میں ڈرون کا ملبہ گرنے سے 4 افراد زخمی ہوگئے، دبئی ساحل کے قریب کویتی آئل ٹینکر پر پروجیکٹائل حملے میں جہاز میں آگ بھڑک اٹھی، یو کے میری ٹائم ایجنسی کے مطابق جہاز پر موجود تمام عملہ محفوظ ہے۔سعودی عرب نے بھی 8 بیلسٹک میزائل گرانے کا دعویٰ کیا ہے۔