رمضان المبارک کے دوران آئریشن میں 100 سے زائد پیشہ ور بھکاریوں کو گرفتار کر کے حوالات منتقل کر دیا گیا ہے۔ اے آر وائی نیوز کے مطابق رمضان المبارک میں وفاقی دارالحکومت اسلام آباد میں پیشہ ور بھکاریوں کے خلاف انتظامیہ کا سخت کریک ڈاؤن جاری ہے اور ڈی سی اسلام آباد نے تمام اے سیز کو خصوصی ٹاسک دیے ہوئے ہیں۔
ڈی سی اسلام آباد عرفان میمن کے مطابق یکم رمضان سے اب تک 100 سے زائد بھکاریوں کو گرفتار کر کے حوالات منتقل کر دیا گیا ہے۔ ڈی سی نے بتایا کہ تمام پیشہ ور گداگروں کا ڈیٹا مرتب کر کے ان کے دوبارہ اسلام آباد میں داخلے کی روک تھام کے لیے اقدامات کیے جائیں گے۔
ان کا کہنا تھا کہ رمضان میں فعال ہونے والے گداگری نیٹ ورکس کو ہر صورت روکا جائے گا، تاہم پیشہ ور گداگروں کے خلاف کاروائیاں شہریوں کے تعاون کے بغیر ممکن نہیں۔ ڈی سی نے شہریوں سے اپیل کی کہ وہ جہاں بھی پیشہ ور گداگر دیکھیں اس کی فوری طور پر ضلع انتظامیہ کو اطلاع دیں۔