صوبہ پنجاب میں کاؤنٹر ٹیررازم ڈیپارٹمنٹ (سی ٹی ڈی) نے پنجاب کے مختلف علاقوں میں ایک ماہ میں کارروائیوں کے دوران مختلف کالعدم تنظیموں سے تعلق رکھنے والے 36 دہشت گردوں کو گرفتار کر کے دہشت گردی کا بڑا منصوبہ ناکام بنا دیا۔ فیصل آباد اور جہلم سے فتنہ الخوارج کے 2 خطرناک دہشت گرد بھاری بارودی مواد اور اسلحہ سمیت گرفتار کیا
ترجمان کے مطابق سی ٹی ڈی پنجاب نے دہشت گردی کے کسی بھی ناخوشگوار واقعے سے موثر انداز میں نمٹنے کے لیے صوبے کے مختلف اضلاع میں انٹیلی جنس پر مبنی 366 کارروائیاں کیں، جن میں 338 مشتبہ افراد سے پوچھ گچھ کی گئی اور 36 دہشت گردوں کو اسلحہ، دھماکہ خیز مواد اور دیگر ممنوعہ مواد سمیت گرفتار کیا ، گرفتار دہشت گردوں میں باچا خان ۔محفوظ ۔نوال ۔سردار خان ۔زمان ۔ملک فیض ۔نظیر ۔معظم ۔رب نواز ۔عطا ۔مسلم ۔شاہ وغیرہ شامل ہیں ، ان گرفتار دہشت گردوں کا تعلق فتنہ الخوارج اور دیگر دہشت گرد تنظیموں سے ہے گرفتار دہشت گردوں کا تعلق لاہور ۔ساہیوال ۔چکوال ۔اوکاڑا ۔خانیوال ۔چنیوٹ ۔اٹک ۔راولپنڈی ۔سیالکوٹ ۔ٹوبہ ٹیک سنگھ ۔جھنگ ۔جہلم سے ہیں، دھماکہ خیز مواد6262 گرام، ڈیٹونیٹر 34 سیفٹی فیوز وائر 34 فٹ، ای ائی ڈی بم 5. کالعدم تنظیم کے پمفلٹ ، میگزین.پرائمہ کارڈ .موبائل فون اور نقدی دہشت گردوں کے قبضے سے برآمد کر لی ہے
ترجمان نے کہا کہ دہشت گردوں نے مختلف شہروں میں اہم عمارتوں کو ٹارگٹ کرنے کا منصوبہ بنا رکھا تھا انہوں نے مزید کہا کہ گرفتار دہشت گردوں کے خلاف 31 مقدمات درج کر کے ان سے مزید تفتیش کی جا رہی ہے ، انہوں نے کہا کہ مقامی پولیس اور سیکیورٹی اداروں کے تعاون سے 7799 کومبنگ آپریشنز بھی کیے گئے، 296521 افراد کو چیک کیا گیا، 1261 مشتبہ افراد کو گرفتار کیا گیا، 1090 ایف آئی آر درج کی گئیں اور 709 بازیابیاں کی گئیں۔