گل پلازہ میں آگ پر تقریباً قابو پالیا گیا ہے اور کولنگ کا عمل جاری

‎سانحہ گل پلازہ میں ہلاکتوں کی تعداد بڑھ کر 26 ہو گئی ہے جبکہ واقعے کے بعد اب بھی 73 افراد لاپتا ہیں۔
‎سندھ حکومت کی ہیلپ ڈیسک کے مطابق ابتدائی طور پر 70 افراد کے لاپتا ہونے کا اندراج کیا گیا تھا، جب کہ آج مزید 3 افراد کے نام لاپتا افراد کی فہرست میں شامل کیے گئے ہیں۔ جاری فہرست کے مطابق لاپتا افراد میں کئی خواتین بھی شامل ہیں۔
‎ریسکیو حکام کے مطابق گل پلازہ میں آگ پر تقریباً قابو پالیا گیا ہے اور کولنگ کا عمل جاری ہے، جبکہ ریسکیو اہلکار لاپتا افراد کی تلاش میں مصروف ہیں۔
‎یاد رہے کہ ایم اے جناح روڈ پر واقع گل پلازہ میں ہفتے کی رات سوا 10 بجے کے قریب آگ لگی۔ گراؤنڈ فلور پر لگنے والی آگ تیزی سے بڑھ کر تیسری منزل تک پہنچ گئی اور خوفناک آتشزدگی سے عمارت کے کئی حصے زمین بوس ہو گئے۔