امریکی صدر ڈونلڈ ٹرمپ نے سابق صدر بارک اوباما اور ان کی اہلیہ مشیل اوباما کی متنازع ویڈیو شیئر کرنے کے بعد معافی مانگنے سے صاف انکار کر دیا۔ ویڈیو میں کمپیوٹر ٹیکنالوجی کے ذریعے اوباما جوڑے کے چہرے بن مانس کے جسموں پر دکھائے گئے تھے۔
شدید عوامی ردعمل کے بعد ویڈیو ٹرمپ کے سوشل میڈیا اکاؤنٹ سے ہٹا دی گئی، لیکن ٹرمپ نے اس پر شرمندگی ظاہر کرنے یا معافی مانگنے سے انکار کیا۔ صحافیوں سے گفتگو میں انہوں نے کہا کہ انہوں نے پوری ویڈیو نہیں دیکھی تھی اور صرف 2020 کے انتخابات سے متعلق حصہ شیئر کرنا تھا۔ انہوں نے اس غلطی کا ذمہ دار اپنے اسٹاف کو ٹھہرایا۔
ٹرمپ نے نسل پرستی کی مذمت کی ہے، مگر مخالفین اور حتیٰ کہ ان کی جماعت کے کچھ رہنماؤں نے اس عمل کو امریکی صدارت کے لیے نامناسب قرار دیا۔
ڈونلڈ ٹرمپ کا متنازع ویڈیو پر معافی مانگنے سے انکار
