قصور (باغی ٹی وی، بیوروچیف طارق نوید سندھو) تھانہ سٹی پھول نگر کی حدود میں سی سی ڈی پولیس کے ساتھ مبینہ مقابلے کے دوران منشیات فروش اشتہاری ملزم ہلاک ہوگیا۔
سی سی ڈی حکام کے مطابق ہلاک ملزم کی شناخت رمضان عرف مانی کے نام سے ہوئی ہے، جو دو ماہ قبل کوٹ رادھا کشن میں تعینات ایک پولیس اہلکار پر فائرنگ کر کے اسے شدید زخمی کرنے کے مقدمے میں مطلوب تھا۔
حکام کا کہنا ہے کہ رمضان عرف مانی منشیات فروشی اور پولیس پر حملوں سمیت پانچ مختلف مقدمات میں ملوث تھا، جبکہ وہ طویل عرصے سے اشتہاری ملزم کی حیثیت سے پولیس کو مطلوب تھا۔