این اے چار سوات سے پاکستان تحریک انصاف کے رکن قومی اسمبلی سہیل سلطان کی نااہلی سے متعلق سپیکر قومی اسمبلی کے ریفرنس پر الیکشن کمیشن میں سماعت ہوئی،
سماعت کے دوران سہیل سلطان کے وکیل ڈاکٹر بابر اعوان الیکشن کمیشن میں پیش ہوئے اور اپنا وکالت نامہ جمع کرایا۔ ڈاکٹر بابر اعوان نے مؤقف اختیار کیا کہ وہ کیس کے قابلِ سماعت ہونے سے متعلق تفصیلی جواب جمع کرانا چاہتے ہیں، جس کے لیے دو ہفتوں کا وقت دیا جائے، تاہم چیف الیکشن کمشنر نے کہا کہ یہ مقررہ وقت کا کیس ہے اور پہلے ہی پشاور ہائی کورٹ کے حکمِ امتناع کے باعث کافی وقت گزر چکا ہے، اس لیے مزید مہلت نہیں دی جا سکتی۔ الیکشن کمیشن نے ڈاکٹر بابر اعوان کی دو ہفتے کی استدعا مسترد کرتے ہوئے کیس کی سماعت 16 جنوری تک ملتوی کر دی