یونیورسٹی آف چیسٹر کی طرف سے منعقدہ کانووکیشن میں سپوت سیالکوٹ انجینئیر محمد ابرار کو ڈگری سے نوازا گیا.
سیالکوٹ باغی ٹی وی بیورو چیف مدثر رتو
یونیورسٹی آف چیسٹر برطانیہ کے طلباء کو ڈگری دینے کی تقریب کا برطانیہ کے شہر چیسٹر میں واقع کیتھیڈرل چرچ میں انعقاد کیا گیا. تقریب کا آغاز رائل گارڈز کی طرف سے مختلف دھنیں بجا کر کیا گیا۔ چانسلر ڈیم جینی ہیریز اور دیگر فیکلٹی ممبران نے خصوصی شرکت کی۔ مختلف شعبہ جات کے طلبہ و طالبات کو ڈگریاں دی گئیں. شعبہ ایم ایس سی انجینرنگ منیجمنٹ سے فارغ التحصیل طلباء کو سیشن 3 میں ڈگریاں دی گئیں اور ان کی بھرپور حصہ افزائی کی گئی۔
سپوت سیالکوٹ انجینئر محمد ابرار کو بھی ان کی اعلی تعلیمی قابلیت اور ڈگری مکمل کرنے پر تعریفی اسناد اور ڈگری سے نوازا گیا۔ وائس چانسلر یونیورسٹی آف چیسٹر برطانیہ نے تقریب سے خطاب کرتے ہوئے کہا کہ ٹیکنالوجی میں نت نئی ایجادات دن بدن سامنے آ رہی ہیں. ہمیں اپنے اندر جدت لانا ہوگی تا کہ ہم دنیا کے ساتھ شانہ بشانہ چل سکیں. دیگر فیکلٹی ممبران نے اپنے خطابات میں کہا کہ ہمارا مقصد اپنے اداروں میں ایسے طلباء پیدا کرنا ہے جو کہ انڈسٹری کے معیاد پر پورا اتر سکیں تا کہ ہمارے طلباء کو فارغ التحصیل ہونے کے بعد نوکری کے حصول میں پریشانی کا ہرگز سامنا نہ کرنا پڑے. سپوت سیالکوٹ انجینیئر محمد ابرار نے اپنی اس کامیابی کو اپنے والدین کی دعاؤں اور اپنے اساتذہ کی انتھک محنت کا نتیجہ قرار دیا تقریب کے اختتام پر اس سال کامیاب ہو کر اس تقریب میں ڈگری حاصل کرنے والے طلباء و طالبات کو مبارکباد دی گئی اور روشن مستقبل کے لئے نیک خواہشات کا اظہار کیا گیا.