امریکی صدر ڈونلڈ ٹرمپ کی جانب سے ایران کے بجلی گھروں کو نشانہ بنانے کی دھمکی کے بعد تہران کے گرد و نواح میں زور دار دھماکوں کی اطلاعات سامنے آئی ہیں۔
ایرانی میڈیا کے مطابق پردیس اور دماوند کے علاقوں میں متعدد دھماکے سنے گئے، جہاں اہم تنصیبات موجود ہیں۔
رپورٹس کے مطابق دماوند کے علاقے میں ایران کے بڑے بجلی گھروں میں سے ایک واقع ہے، جس کے قریب دھماکوں کی آوازیں سنائی دیں، تاہم فوری طور پر نقصانات کی مکمل تفصیلات سامنے نہیں آئیں۔
حکام کی جانب سے صورتحال کا جائزہ لیا جا رہا ہے جبکہ واقعے کی نوعیت اور اس کے اثرات کے حوالے سے مزید معلومات کا انتظار کیا جا رہا ہے۔
ٹرمپ کی دھمکی کے بعد تہران کے قریب دھماکے، بجلی گھروں کے علاقے متاثر
