پاکستانی فضائی حدود ایران پر حملے میں استعمال ہونے کا بے بنیاد دعویٰ

‎سوشل میڈیا پر ایک پوسٹ وائرل ہو رہی ہے جس میں دعویٰ کیا گیا کہ ایران پر حالیہ حملے میں پاکستانی فضائی حدود استعمال کی گئی۔ پوسٹ میں یہ بھی کہا گیا کہ ایرانی پاسدارانِ انقلاب کے ایک کمانڈر نے پاکستان کو اس اقدام پر نتائج بھگتنے کی دھمکی دی۔

‎تحقیقی جائزے سے معلوم ہوا ہے کہ اس دعوے کی تائید کسی مستند سرکاری بیان یا معتبر بین الاقوامی خبر ایجنسی کی رپورٹ سے نہیں ہوتی۔ ‎تاحال نہ ایرانی حکام کی جانب سے ایسا کوئی مصدقہ بیان جاری کیا گیا ہے اور نہ ہی پاکستانی حکومت کی طرف سے اس نوعیت کے کسی واقعے کی تصدیق سامنے آئی ہے۔‎ماہرین کا کہنا ہے کہ حساس علاقائی حالات میں سوشل میڈیا پر غیر مصدقہ دعوے تیزی سے پھیل جاتے ہیں، اس لیے عوام کو چاہیے کہ وہ معلومات شیئر کرنے سے قبل مستند ذرائع سے تصدیق کریں۔