فیلڈ مارشل دہشتگردی کیخلاف جنگ کو لیڈ کر رہے ہیں، وزیراعظم

وزیراعظم شہباز شریف نے کوئٹہ میں سیاسی رہنماؤں سے ملاقات میں گفتگو کرتے ہوئے کہا کہ دہشتگردی کیخلاف جنگ آج بھی جاری ہے، خوارج کو ہمسایہ ممالک سے مدد مل رہی ہے، دہشتگردی کے مکمل خاتمے تک چین سے نہیں بیٹھیں گے۔

وزیراعطم شہباز شریف کا کہنا ہے کہ فیلڈ مارشل دہشتگردی کیخلاف جنگ کو لیڈ کر رہے ہیں، معرکہ حق میں بھارت کو ایسا سبق سکھایا جو وہ ہمیشہ یاد رکھے گا۔وزیراعظم نے کہا کہ کے پی کی طرح بلوچستان میں بھی دہشتگردی نے مشکلات پیدا کیں، دہشتگردی کیخلاف افواج پاکستان کی قربانیاں ہمیشہ یاد رکھی جائیں گی،فیلڈمارشل سید عاصم منیر دہشت گردی کے خلاف جنگ کو لیڈ کر رہے ہیں، افواج پاکستان کی قربانیوں کو اگر ہر روز بھی یاد کیا جائے تو وہ کم نہ ہوں گی،پاک فوج، لیویز اور عام شہریوں کی قربانیاں تاریخ میں سنہرے حروف سے لکھی جائیں گی،