بلوچستان کے ضلع قلعہ سیف اللّٰہ کے علاقے بختیار اڈہ میں فائرنگ کے افسوسناک واقعے میں 3 افراد جاں بحق ہو گئے۔ واقعے کے بعد علاقے میں خوف و ہراس پھیل گیا جبکہ پولیس نے موقع پر پہنچ کر شواہد اکٹھے کر لیے۔
پولیس حکام کے مطابق نامعلوم ملزمان فائرنگ کے بعد فرار ہونے میں کامیاب ہو گئے، جن کی گرفتاری کے لیے مختلف مقامات پر ناکہ بندی اور سرچ آپریشن جاری ہے۔ لاشوں کو ضروری کارروائی کے لیے اسپتال منتقل کر دیا گیا ہے۔پولیس کا کہنا ہے کہ ابتدائی تحقیقات کے مطابق فائرنگ کا یہ واقعہ پرانی دشمنی کا نتیجہ معلوم ہوتا ہے، تاہم واقعے کے تمام پہلوؤں سے تحقیقات کی جا رہی ہیں۔ حکام کے مطابق ملزمان کی شناخت اور گرفتاری کے لیے کوششیں تیز کر دی گئی ہیں۔
علاقہ مکینوں نے واقعے پر گہرے دکھ اور تشویش کا اظہار کرتے ہوئے مطالبہ کیا ہے کہ ملزمان کو جلد از جلد گرفتار کر کے قانون کے کٹہرے میں لایا جائے تاکہ علاقے میں امن و امان کی صورتحال بہتر بنائی جا سکے۔