افریقی ملک زیمبیا میں 52 سالہ ماہی گیر ہاتھیوں کے جھنڈ سے بچنے کی کوشش کے دوران مگرمچھ کے حملے کا شکار ہو گیا۔ بدھ کو شکار سے واپس آتے وقت وہ اور اس کے دو دوست ہاتھیوں کے سامنے آ گئے۔ بھاگتے ہوئے تینوں نے ندی میں چھلانگ لگائی، لیکن مگرمچھ نے ماہی گیر کی ٹانگ دبا لی۔
ماہی گیر نے چھڑی کی مدد سے اپنی ٹانگ آزاد کی اور ساتھیوں کی مدد سے ندی سے باہر آیا، مگر مسلسل خون بہنے کے باعث اس کی موت واقع ہو گئی۔ زیمبیا میں ہاتھی اور مگرمچھ کے حملے معمول کی بات ہیں اور سالانہ کئی افراد اپنی جانیں کھو دیتے ہیں۔