برازیل کی ریاست میناس گیرائس میں تباہ کن سیلاب اور مٹی کے تودے گرنے کے واقعات نے سنگین صورتحال اختیار کر لی ہے، جس کے نتیجے میں اب تک 46 افراد لقمہ اجل بن چکے ہیں، جبکہ 3,600 سے زائد افراد بے گھر ہو گئے ہیں۔ فائر ڈیپارٹمنٹ کے مطابق جویز ڈی فورہ اور اوبا شہروں میں ریسکیو آپریشن جاری ہے، تاہم 21 افراد تاحال لاپتہ ہیں۔ حکام کو خدشہ ہے کہ ملبے تلے دبے افراد کی تلاش کے دوران ہلاکتوں کی تعداد میں مزید اضافہ ہو سکتا ہے۔
دوسری جانب، انڈونیشیا کے صوبے شمالی سولاویسی میں بھی موسلا دھار بارشوں کے بعد آنے والے سیلابی ریلوں نے بڑے پیمانے پر تباہی مچائی ہے، جس کے باعث 14 افراد جان کی بازی ہار گئے۔ سیلابی پانی سے سیکڑوں رہائشی مکانات اور سرکاری عمارتیں زمین بوس ہو چکی ہیں۔ خطے میں جاری اس قدرتی آفت کے باعث حکام نے آئندہ مہینوں میں درجہ حرارت میں اضافے اور گلیشیائی پگھلاؤ کے پیشِ نظر ہیٹ ویو اور مزید سیلاب کا الرٹ بھی جاری کر دیا ہے۔
برازیل اور انڈونیشیا میں سیلابی تباہ کاریوں سے ہلاکتوں میں اضافہ
