سندھ کے شہر کوٹری کے علاقے کارو کھو کے قریب دریائے سندھ میں نہاتے ہوئے چار بچے ڈوب کر جاں بحق ہو گئے۔
واقعے کی اطلاع ملتے ہی مقامی غوطہ خور موقع پر پہنچ گئے اور تلاش کے بعد بچوں کی لاشیں دریا سے نکال کر گاؤں منتقل کر دیں۔
جاں بحق ہونے والوں میں 11 سالہ کشمیرہ، 10 سالہ ساجدہ، 13 سالہ اعجاز اور 9 سالہ قربان شامل ہیں۔ اہل خانہ کے مطابق بچے دریا میں نہانے گئے تھے کہ اچانک گہرے پانی میں چلے جانے کے باعث حادثے کا شکار ہو گئے۔
متوفیوں میں ساجدہ اور اعجاز آپس میں بہن بھائی تھے جبکہ دیگر دو بچے بھی اسی گاؤں کے رہائشی تھے۔ واقعے کے بعد گاؤں میں کہرام مچ گیا اور اہل علاقہ غمزدہ دکھائی دیے۔
کوٹری کے قریب دریائے سندھ میں نہاتے ہوئے چار بچے ڈوب کر جاں بحق
