پی پی پی چیئرمین بلاول بھٹو زرداری نےڈوگرہ راج سے گلگت بلتستان کی آزادی کی سالگرہ پر پیغام جاری کیا ہے
چیئرمین بلاول بھٹو زرداری نے گلگت بلتستان کے عوام کو ڈوگرہ راج سے آزادی کی سالگرہ پر مبارکباد د ی اور کہا کہ آج سے 78 سال قبل گلگت بلتستان کے غیور عوام نے تاریخ کا ایک سنہری باب رقم کیا،یکم نومبر 1947 کو گلگت بلتستان کے عوام نے جرات، استقامت اور قربانیوں سے اپنی آزادی حاصل کی، گلگت بلتستان کے عوام کی یہ روح پاکستان کے اتحاد، ایمان اور استقامت کے مثالی جذبے کی عکاس ہے،قائدِ عوام اور شہید محترمہ بینظیر بھٹو کے وژن کے تحت گلگت بلتستان کی ترقی، خودمختاری اور آئینی حقوق کے لیے پرعزم ہیں،پیپلز پارٹی ہی وہ جماعت ہے جس نے پہلی بار گلگت بلتستان کو سیاسی شناخت اور خود مختاری دی،گلگت بلتستان کے عوام ہمارے شمالی سرحدی خطے کے محافظ اور پاکستان کے قومی وجود کا لازمی حصہ ہیں، یقین ہے کہ پوری قوم مل کر ایک مضبوط، جامع اور خوشحال پاکستان کی تعمیر کے سفر کو جاری رکھے گی