پاکستان میں سونے کی قیمت میں ایک بار پھر بڑی کمی ریکارڈ کی گئی ہے جس کے بعد فی تولہ سونے کی نئی قیمت 5 لاکھ 39 ہزار 962 روپے ہو گئی ہے۔
صرافہ بازار ایسوسی ایشن کے مطابق آج سونے کی قیمت میں 10 ہزار روپے کی نمایاں کمی ہوئی جس کے نتیجے میں فی تولہ سونا سستا ہو کر نئی سطح پر آ گیا۔
اسی طرح 10 گرام سونے کی قیمت میں بھی 8 ہزار 573 روپے کمی ریکارڈ کی گئی جس کے بعد اس کی نئی قیمت 4 لاکھ 62 ہزار 930 روپے ہو گئی ہے۔
دوسری جانب عالمی منڈی میں بھی سونے کی قیمت میں اتار چڑھاؤ دیکھا گیا جہاں فی اونس سونا تقریباً 100 ڈالر سستا ہو کر 5 ہزار 172 ڈالر فی اونس پر آ گیا۔
سونے کے ساتھ ساتھ چاندی کی قیمت میں بھی کمی دیکھنے میں آئی ہے۔ فی تولہ چاندی 100 روپے سستی ہو کر 9 ہزار 4 روپے کی سطح پر پہنچ گئی ہے۔
یاد رہے کہ سونا روایتی طور پر محفوظ سرمایہ کاری سمجھا جاتا ہے اور مہنگائی یا سیاسی و معاشی غیر یقینی صورتحال میں سرمایہ کار اکثر سونے کو ترجیح دیتے ہیں۔ گزشتہ برس پاکستان میں سونے کی قیمت کے تعین کے طریقہ کار میں تبدیلی کی گئی تھی جس کے تحت مقامی قیمت انٹرنیشنل مارکیٹ ریٹ سے 20 ڈالر فی اونس زیادہ مقرر کی جاتی ہے۔
پاکستان میں سونے کی قیمت میں بڑی کمی
