پاکستان اور عالمی منڈیوں میں سونے کی قیمت میں تاریخ کی سب سے بڑی کمی ریکارڈ کی گئی ہے۔ صرافہ ایسوسی ایشن کے مطابق پاکستان میں فی تولہ سونا 35 ہزار 500 روپے سستا ہو کر 5 لاکھ 37 ہزار 362 روپے پر آ گیا ہے۔
اسی طرح 10 گرام سونے کی قیمت میں 30 ہزار 435 روپے کی کمی ہوئی، جس کے بعد نئی قیمت 4 لاکھ 60 ہزار 701 روپے مقرر کی گئی ہے۔
چاندی کی قیمت میں بھی نمایاں کمی دیکھی گئی، فی تولہ چاندی 1106 روپے سستی ہو کر 11 ہزار 69 روپے پر آ گئی۔
عالمی مارکیٹ میں سونے کی قیمت فی اونس 355 ڈالر کم ہوئی، جس کے بعد نرخ 5 ہزار 150 ڈالر ہو گئے۔
واضح رہے کہ گزشتہ دو روز کے دوران پاکستان میں سونے کی فی تولہ قیمت میں 42 ہزار 300 روپے کا اضافہ ہوا تھا اور نرخ 5 لاکھ 72 ہزار 862 روپے تک پہنچ گئے تھے۔
سونے کی قیمت میں تاریخی کمی، فی تولہ 35 ہزار 500 روپے سستا
