مومنہ بتول نے اپنے مداحوں کو خوشخبری سنا دی

نامور اداکارہ مومنہ بتول نے کہا کہ جب میں نئی نئی اس فیلڈ میں آئی تھی اس وقت مجھے کامیابی ملنے کے چانسز دور دور تک دکھائی نہیں دیتے تھے اس لئے میں نے ماڈلنگ اور کمپئیرنگ کرنے تک خود کو محدود کرنے کا فیصلہ کر لیا تھا لیکن بعد ازاں ٹی وی کے ایسے پراجیکٹس ملے جن میں‌میری اداکاری کو سراہا گیا، مجھے نوٹس کیا گیا تو پھر مجھے لگا کہ میں آگے بڑھ سکتی ہوں. انہوں نے کہا کہ میرے پاس فلموں کے بھی سکرپٹس موجود ہیں ، ڈراموں کی بھی بہت زیادہ آفرز ہیں لیکن مسئلہ یہ ہے کہ میں اس وقت ٹی وی کے کام میں اتنا مصروف ہوں کہ جو

پراجیکٹس فی الحال ہاتھ میں ہیں‌انہی کی شوٹنگز مکمل کروانا چاہتی ہوں اس کے بعد میں یقینا مزید بھی کام کروں گی، انہوں نے کہاکہ میرے مداحوں کے لئے خوشخبری یہ ہے کہ میں بہت جلد ان کو بڑی سکرین پر نظر آئوں گی، میرے پاس بہت ساری فلموں کی آفر ہے. انہوں نے یہ بھی کہا کہ کسی بھی فنکار کا سرمایہ ایوارڈز سے کہیں زیادہ آڈینز کی داد ہوتی ہے اور میں بہت خوش قسمت ہوں کہ میرے مداح مجھے نہ صرف پسند کرتے ہیں بلکہ میری حوصلہ افزائی بھی کرتے ہیں.