برطانیہ کے دارالحکومت لندن میں سینکڑوں مظاہرین نے راسل اسکوائر کے علاقے میں جمع ہو کر ایران کے خلاف جاری جنگ کے خاتمے کا مطالبہ کیا۔
احتجاج امن پسند تنظیم کی جانب سے منظم کیا گیا، جس میں شرکت کرنے والوں نے مختلف نعروں اور پلے کارڈز اٹھا رکھے تھے، جن پر “ایران پر حملے بند کرو”،“ٹرمپ کی جنگیں بند کرو”،“اسٹارمر سے کہو: اسرائیل کو اسلحہ نہ دو” “جوہری منافقت ختم کرو”جیسے جملے درج تھے،مظاہرین نعرے بازی بھی کر رہے تھے،خواتین کی بڑی تعداد بھی مظاہرے میں شریک تھی،یہ مظاہرین امریکی اور برطانوی پالیسیوں کے خلاف بھی اپنی ناراضگی کا اظہار کر رہے تھے، جن کا کہنا تھا کہ مغربی طاقتیں ایران کے خلاف جارحیت کو بڑھاوا دے رہی ہیں۔