فیصل آباد کی تحصیل سمندری میں 4 نوجوانوں کے گردے غیر قانونی طور پر نکال لیے گئے، جس کے بعد ایف آئی اے نے اس واردات میں ملوث ایک ملزم کو گرفتار کر لیا ہے اور مزید کارروائی جاری ہے۔
رپورٹ کے مطابق متاثرہ نوجوانوں کو دوسرے شہر میں نوکری کا جھانسہ دے کر لے جایا گیا اور بے ہوش کرنے کے بعد ان کے گردے نکال لیے گئے۔ ملزمان کراچی اور اسلام آباد میں یہ غیر قانونی آپریشن کرتے تھے۔
ایف آئی اے نے واقعے کا نوٹس لیتے ہوئے تحقیقات شروع کر دی ہیں اور مزید ملزمان تک پہنچنے کے لیے قانونی کارروائی جاری ہے تاکہ انسانی اعضا کی غیر قانونی تجارت کے اس نیٹ ورک کو ختم کیا جا سکے۔
فیصل آباد میں غیرقانونی گردہ نکالنے کا انکشاف
