آئی سی سی ٹی 20 ورلڈ کپ کے گروپ میچ میں بھارت نے پاکستان کو شکست دے دی، قومی ٹیم 176 رنز کے ہدف کے تعاقب میں 114 رنز پر ڈھیر ہوگئی۔
ہائی وولٹیج مقابلے میں پاکستان کی بیٹنگ لائن ابتدا ہی سے دباؤ کا شکار رہی اور وقفے وقفے سے وکٹیں گرتی رہیں۔ عثمان خان 44 رنز کے ساتھ نمایاں رہے جبکہ دیگر بیٹرز خاطر خواہ کارکردگی نہ دکھا سکے۔
صائم ایوب 6، بابر اعظم 5 اور کپتان سلمان آغا 4 رنز بنا کر آؤٹ ہوئے۔ شاداب خان 14 اور محمد نواز 4 رنز ہی بنا سکے جبکہ صاحبزادہ فرحان بغیر کوئی رن بنائے پویلین لوٹ گئے۔
نچلے نمبروں پر بھی مزاحمت دیکھنے میں نہ آئی، فہیم اشرف 10 رنز بنا سکے جبکہ ابرار احمد صفر پر آؤٹ ہوئے، جس کے باعث پاکستان مطلوبہ ہدف حاصل کرنے میں ناکام رہا۔
ٹی 20 ورلڈ کپ: بھارت نے پاکستان کو شکست دے دی
