بھارت کی تمام کوششیں رائیگاں جائیں گی پاکستان گرے لسٹ سے نکل آئے گا وفاقی وزیر حماد اظہر
وفاقی وزیر توانائی حماد اظہر کا کہنا تھا پاکستان کی بہتر خارجہ پالیسی کی وجہ سے بھارت کی تمام تر پاکستان مخالف کوششوں کے باوجود پاکستان گرے لسٹ سے نکل آئے۔پاکستان اور چین کے درمیان رنجشیں ڈالنے والے ناکام ہوں گے۔پاکستان چین دوستی مزید مستحکم اور ابھرتی ہوئی نظر آئے گی۔
وفاقی وزیر کا کہنا تھا پاکستان کو معاشی مسائل سے دو چار کرنے والے خود ملک سے باہر ہیں۔پاکستان کو تباہی کے دھانے پر کھڑا کرنے والوں کی چیخیں عوام سن رہے ہیں۔وزیراعظم عمران خان کی قیادت میں ملک ترقی کی جانب گامزن ہے۔ابتدائی تین سالوں میں ملکی معشیت کو ٹھیک کیا۔اب انشااللہ اس کے اثرات پاکستان کے مختلف شعبوں میں دکھائی دیں گے۔توانائی کے بحران پر قابو پا لیا حالات مزید بہتری کی طرف جا رہے ہیں۔
عید کے حوالے سے حماد اظہر نے بتایا کہ انہوں نے اپنے حلقے کے مختلف مقامات پر قربانی کی اور گوشت ، مستحق لوگوں تک پہنچایا جا رہا ہے۔عید قربان ہمیں ان لوگوں کا احساس دلاتی ہے جو اس کی استطاعت نہیں رکھتے۔لوگوں کو چاہیے کہ اپنے فریز گوشت سے بھرنے کی بجائے مستحق لوگوں میں تقسیم کریں