فروری 2019 میں پاک بھارت فضائی معرکے کے دوران پاکستان میں گرفتار ہونے والے انڈین ایئر فورس (IAF) کے سابق گروپ کیپٹن اور ویر چکر ایوارڈ یافتہ پائلٹ ابھینندن ورتھمان نے بھارتی فضائیہ سے وقت سے پہلے ریٹائرمنٹ (اسٹیپ ڈاؤن) لے لی ہے۔
بھارتی میڈیا رپورٹس کے مطابق ابھینندن نے گوا کی ایک نجی علاقائی ایئر لائن ‘FLY91‘ میں بطور کمرشل پائلٹ شمولیت اختیار کر لی ہے،مطابق 43 سالہ ابھینندن نے اسی سال مارچ کے اختتام پر بھارتی فضائیہ چھوڑی تھی اور اگست کے مہینے میں نجی ایئر لائن میں شامل ہوئے تاہم ‘FLY91’ کے ترجمان نے کسی بھی ملازم کی ذاتی معلومات فراہم کرنے سے معذرت کرتے ہوئے کہا ہے کہ یہ ان کا ذاتی معاملہ ہے۔
لاہور ہائیکورٹ کے جج جسٹس راحیل کامران شیخ عہدے سے مستعفی
یاد رہے کہ مارچ 2024 میں قائم ہونے والی یہ ایئر لائن ‘ATR 72-600’ طیاروں کا فلیٹ چلاتی ہے اور اس کے اہم مراکز گوا اور حیدرآباد میں واقع ہیں۔
فروری 2019 میں پلوامہ واقعے کے بعد خطے میں پیدا ہونے والی شدید کشیدگی کے دوران بھارتی ایئر فورس کے ونگ کمانڈر (موجودہ رینک گروپ کیپٹن) ابھینندن ورتھمان کا میگ 21 (MiG-21) طیارہ پاکستان ایئر فورس کے ساتھ فضائی جھڑپ میں تباہ ہو گیا تھا ابھینندن نے پیراشوٹ کے ذریعے پاکستانی حدود میں لینڈ کیا جہاں مقامی لوگوں اور پاکستانی فوج نے انہیں حراست میں لے لیا تھا، تقریباً 3 دن تک پاکستان کی تحویل میں رہنے کے بعد پاکستان کی جا نب سے خیر سگالی کے جذبے کے تحت ابھینندن کو 1 مارچ 2019 کی رات واہگہ بارڈر پر بھارتی حکام کے حوالے کر دیا گیا تھا۔
5 ستمبر تک گرج چمک کے ساتھ مزید بارشوں کی پیشگوئی ،گلیشیائی جھیلیں پھٹنے کا خدشہ