برازیلین انفلوئنسر پلاسٹک سرجری سے جاں بحق

برازیل سے تعلق رکھنے والی سوشل میڈیا انفلوئنسر بیانکا ڈیاس 27 سال کی عمر میں پلاسٹک سرجری کے بعد پیچیدگیوں کا شکار ہو کر چل بسیں وہ ساؤ پاؤلو کے قریب اپنے اہلخانہ کے گھر صحت یاب ہو رہی تھیں کہ اچانک سانس لینے میں دشواری پیش آئی۔
معلوم ہوا کہ انہیں پلمونری ایمبولزم (پھیپھڑوں میں خون کا لوتھڑا) ہو گیا، فوری اسپتال منتقل کیا گیا مگر ڈاکٹرز انہیں بچا نہ سکے یہ حادثہ سرجری کے محض 18 دن بعد پیش آیا، حالانکہ سرجری کی نوعیت کی تفصیلات ظاہر نہیں کی گئیں۔ بیانکا کے قریبی دوست نے انسٹاگرام پر تصدیق کی کہ انہیں دو دورے پڑے اور حالت انتہائی نازک ہو گئی تھی۔
بیانکا، جو 60 ہزار فالوورز والی لائف اسٹائل ماڈل تھیں اور دو بیٹیوں کی ماں، مقامی سطح پر مشہور تھیں ان کی موت نے انفلوئنسرز میں بڑھتی پلاسٹک سرجری کے خطرات کو اجاگر کر دیا، جہاں پوسٹ آپریشن بلڈ کلاٹس عام خطرہ ہیں۔