ایران کے سپریم لیڈر مجتبیٰ خامنہ ای نے واضح کیا ہے کہ ترکیے اور عمان پر ہونے والے حالیہ حملوں میں ایران یا اس کے اتحادی شامل نہیں ہیں۔
نئے ایرانی سال کے موقع پر جاری اپنے پیغام میں انہوں نے کہا کہ ایران خطے کے ممالک، خصوصاً ہمسایہ ریاستوں کے ساتھ مضبوط تعلقات قائم کرنے پر یقین رکھتا ہے۔
انہوں نے اپنے مشرقی ہمسایوں کو خصوصی اہمیت دیتے ہوئے پاکستان اور افغانستان سے اپیل کی کہ وہ باہمی تعلقات کو بہتر بنائیں اور کشیدگی کے بجائے تعاون کو فروغ دیں۔ اس حوالے سے انہوں نے ہر ممکن تعاون کی پیشکش بھی کی۔
ان کا کہنا تھا کہ مسلم ممالک کو آپس میں اتحاد، ہم آہنگی اور بہتر روابط کو فروغ دینا چاہیے تاکہ خطے میں امن اور استحکام کو یقینی بنایا جا سکے۔
ترکیے اور عمان حملوں سے لاتعلقی، خطے میں اتحاد کی اپیل: ایران سپریم لیڈر
