ایرانی مسلح افواج کے جنرل اسٹاف نے جمعرات کو جاری کیے گئے بیان میں آذربائیجان کی جانب کسی بھی ڈرون بھیجے جانے کی خبروں کو سختی سے مسترد کر دیا ہے۔ بیان میں کہا گیا ہے کہ اسلامی جمہوریہ ایران کی مسلح افواج کی طرف سے آذربائیجان کی سمت کوئی ڈرون روانہ نہیں کیا گیا۔
سرکاری ٹی وی کے مطابق ایرانی حکام نے اس واقعے کی ذمہ داری اسرائیل پر عائد کرتے ہوئے کہا کہ صہیونی حکومت اس طرح کی کارروائیوں کے ذریعے مسلم ممالک کے درمیان بداعتمادی اور کشیدگی پیدا کرنے کی کوشش کرتی رہی ہے۔
بیان میں مزید کہا گیا کہ مسلم ممالک کے تعلقات کو خراب کرنے کے لیے اس نوعیت کی سازشیں کوئی نئی بات نہیں ہیں اور ایسے اقدامات خطے میں عدم استحکام پیدا کرنے کی ایک منظم کوشش کا حصہ ہیں۔
ایران نے آذربائیجان کی طرف ڈرون بھیجنے کی تردید کردی، الزام اسرائیل پر عائد
