ایران کی جانب سے اسرائیل پر بیلسٹک میزائل داغ دیئے گے، اسرائیلی فوج نے تصدیق کردی، اسرائیل کے مختلف شہروں میں دھماکے سنے گئے ہیں۔
عرب میڈیا کے مطابق اسرائیلی کے شمالی علاقوں میں زور دار دھماکوں کی آوازیں سنی گئی ہیں، اسرائیلی دفاعی نظام ایرانی میزائلوں کو روکنے میں مصروف ہے۔غیر ملکی میڈیا کے مطابق ایران نے جوابی کارروائی کو "فتح خیبر” کا نام دیا ہے۔ اسرائیلی فوج نے تصدیق کی ہے کہ ایران کی جانب سے مزید میزائیل داغ دیے گئے ہیں۔عرب میڈیا کا کہنا ہے کہ اسرائیلی حکام نے شہریوں کو ایرانی میزائل حملوں کی ویڈیو بنانے سے منع کردیا، نیتن یاہو کی تقریر کے دوران ہی تل ابیب میں سائرن بج اٹھے۔دوسری جانب میڈیا رپورٹس میں بتایا گیا ہے کہ امریکا اور ایران کے حملوں کے بعد ایران کے دارالحکومت تہران میں بھی دفاعی نظام کو فعال کردیا گیا۔
ایرانی پاسداران انقلاب گارڈز کا کہنا ہے کہ اسرائیل کے خلاف میزائل ڈرون حملوں کی پہلی لہرلانچ کردی ہے جبکہ غیر ملکی خبر ایجنسی کا کہنا ہے کہ جنگی طیارے اور میزائل عراق کی فضائی حدود میں دیکھے گئے۔ایرانی ٹی وی کا کہنا ہے کہ اسرائیل پر تقریباً 75 میزائلوں سے حملہ کیاگیا۔
ایران بھر میں یونیورسٹی کی کلاسز آج منسوخ کر دی گئی ہیں، اور کل سے شروع ہونے والی کلاسیں عملی طور پر ہوں گی۔ ایران نے بحرین میں امریکی بحریہ کی لاجسٹک تنصیب پر بیلسٹک میزائل داغے ہیں۔ قطر نے ایک ایرانی میزائل مار گرایا ہے، الجزیرہ نے ایک قطری اہلکار کے حوالے سے رپورٹ کیا ہے۔ بحرین کے شہر منامہ میں کئی دھماکوں کی آوازیں سنی گئیں۔ یروشلم میں دھماکوں کی آوازیں سنی گئیں۔خلیج فارس کے ساحل پر واقع ایرانی شہر چابہار پر اسرائیل نے حملہ کیا ہے۔ ایران تقریباً کل انٹرنیٹ بلیک آؤٹ کا سامنا کر رہا ہے، کنیکٹیویٹی معمول کی سطح کے تقریباً 4 فیصد تک کم ہے۔
اسرائیلی وزیراعظم نے ایران کیخلاف امریکا اسرائیل مشترکہ کارروائی کا اعلان کردیا۔ انہوں نے کہا کہ ایران کو جوہری طاقت حاصل کرنے نہیں دی جائے گی۔نیتن یاہو کا کہنا ہے کہ امریکا اور اسرائیل نے ایران سے لاحق خطرات ختم کرنے کیلئے آپریشن شروع کردیا، ایران کو جوہری طاقت حاصل کرنے نہیں دی جائے گی۔صہیونی وزیراعظم نے کہا کہ یہ آپریشن ایرانی عوام کو اپنے فیصلے خود کرنے کا موقع دے گا۔