ایران کے خاتم الانبیاء سینٹرل ہیڈکوارٹر کے کمانڈر میجر جنرل عبداللہی نے کہا ہے کہ ایران کا فوجی نظریہ دفاعی پالیسی سے تبدیل ہو کر جارحانہ حکمت عملی کی طرف منتقل ہو چکا ہے۔
انہوں نے بیان دیا کہ مسلح افواج نے اپنی حکمت عملی کو بھی اسی کے مطابق ڈھال لیا ہے اور جدید ہتھیاروں کے ذریعے دشمن کے اندازوں کو ناکام بنایا جائے گا۔
میجر جنرل عبداللہی کے مطابق ایرانی نوجوان سائنسدانوں کی جانب سے تیار کردہ جدید ترین ہتھیار پہلے ہی میدانِ جنگ میں استعمال کیے جا رہے ہیں، جبکہ مستقبل میں مزید پیش رفت بھی سامنے آئے گی۔
انہوں نے اس بات پر زور دیا کہ قومی اتحاد اور عوامی حمایت ایران کی طاقت کا بنیادی ستون ہیں اور یہی عوامل مستقبل کی کامیابیوں کی ضمانت بنیں گے۔