ایران کے صدر مسعود پزشکیان نے کہا ہے کہ اگر ایران پر دباؤ بڑھایا گیا تو اس کا ردعمل بھی اتنا ہی سخت ہوگا۔
اپنے بیان میں ایرانی صدر نے کہا کہ ایران دھونس، دھمکیوں، ناانصافی اور جارحیت کے سامنے کبھی نہیں جھکے گا اور دشمن کے منصوبوں کو ناکام بنا دے گا۔
انہوں نے کہا کہ ایران خطے کے ممالک کے ساتھ دوستانہ تعلقات کا خواہاں ہے تاہم یہ خواہش امریکا کے مقابلے میں ایران کے حق دفاع سے دستبردار ہونے کا مطلب نہیں۔
مسعود پزشکیان کا کہنا تھا کہ ایران نے اپنے ہمسایہ ممالک کو نشانہ نہیں بنایا بلکہ خطے میں موجود امریکی فوجی اڈوں اور تنصیبات کو ہدف بنایا ہے۔
ان کے مطابق ایران نے اپنے دفاع کے حق کو استعمال کرتے ہوئے امریکی مفادات پر حملے کیے ہیں۔
ایران پر دباؤ بڑھا تو ردعمل بھی سخت ہوگا، صدر مسعود پزشکیان
