ایرانی میزائلوں کے شدید حملے میں اسرائیل کے کئی علاقے نشانہ بن گئے۔
ترک میڈیا رپورٹ کے مطابق اسرائیلی دفاعی نظام آئرن ڈوم زیادہ تر میزائل روکنے میں ناکام رہا۔تل ابیب میں زور دار دھماکے ہوئے جبکہ شہر کے متعدد علاقوں میں آگ لگ گئی، ترک میڈیا نے ویڈیوز جاری کردی ہیں۔ترک میڈیا رپورٹ کے مطابق ایرانی میزائل حملوں میں اسرائیل میں کئی سو افراد زخمی ہوئے اور ہلاکتوں کا خدشہ ہے، تاحال نقصانات کی تفصیلات جاری نہیں کی گئیں۔اسرائیلی حکام کی سخت سینسر پالیسی جاری ہے، تباہ ہونے والے مقامات کے قریب میڈیا کو جانے سے روک دیا گیا ہے اور جواز تراشا ہے کہ میڈیا امدادی سرگرمیوں میں خلل پیدا کرسکتا ہے۔عرب میڈیا رپورٹ میں ویڈیو جاری کی گئی ہے اور دعویٰ کیا گیا کہ ایرانی حملوں میں اسرائیلی شہر ہولون میں کئی مقامات پر تباہی ہوئی ہے۔
اسرائیل کے مرکزی ایئرپورٹ بن گوریون پر ایرانی میزائل لگنے سے 3 طیارے تباہ ہوگئے،اسرائیل ایئرپورٹس اتھارٹی کے مطابق یہ نقصان گزشتہ چند دنوں کے دوران اس وقت ہوا جب میزائلوں کے ٹکڑے ایئرپورٹ کے احاطے میں گرے۔ ان ٹکڑوں کی زد میں آ کر تین پرائیویٹ طیارے بری طرح متاثر ہوئے۔حکام کے مطابق متاثرہ طیاروں میں سے ایک میں آگ بھی بھڑک اٹھی، جس پر بعد میں قابو پا لیا گیا۔میڈیا رپورٹ کے مطابق یہ ایئرپورٹ تل ابیب کے قریب واقع ہے اور اسرائیل کی بین الاقوامی فضائی آمد و رفت کا سب سے بڑا مرکز سمجھا جاتا ہے۔حالیہ میزائل حملوں اور فضائی دفاعی کارروائیوں کے باعث اس علاقے میں سیکیورٹی خدشات بڑھ گئے ہیں۔
اسرائیلی محکمہ صحت کے حکام نے تصدیق کی ہے کہ ملک کے اسپتال زخمیوں سے بھرنے لگے ہیں۔اسرائیلی حکام نے کہا کہ اسرائیلی اسپتالوں میں روزانہ 100سے زائد زخمی لائے جاتے ہیں، جس کے باعث ایمرجنسی نافذ کردی گئی ہے۔حکام کے مطابق دوسری طرف اسرائیل کے شمالی علاقوں پر حزب اللّٰہ حملے کیے ہیں، ان حملوں سے قبل سائرن کی آوازیں بھگدڑ کا سبب بنتی ہیں،اسرائیل خصوصاً وسطی اسرائیل میں پُرسکون راتیں اب ماضی کاحصہ بن چکی ہیں،رپورٹ میں مزید کہا گیا کہ اسرائیل میں رات کے وقت کم از کم دو مرتبہ الارم بجتا ہے، ملک میں دفاتر کھلے ہیں مگر اسکول بدستور بند ہیں۔