ایرانی حملہ،پرنس سلطان ایئر بیس پر امریکی فضائیہ کے پانچ ری فیولنگ طیاروں کو نقصان

ایرانی میزائل حملے میں سعودی عرب کے پرنس سلطان ایئر بیس پر موجود امریکی فضائیہ کے پانچ ری فیولنگ طیارے تباہ ہو گئے

ایران کے میزائل حملے میں سعودی عرب کے اہم فوجی اڈے کو نشانہ بنایا گیا، جس کے نتیجے میں زمین پر کھڑے امریکی فضائیہ کے کم از کم پانچ ری فیولنگ طیاروں کو نقصان پہنچا۔امریکی اخباروال اسٹریٹ جرنل کی رپورٹ کے مطابق حملے میں طیارے مکمل طور پر تباہ نہیں ہوئے تاہم انہیں قابلِ ذکر نقصان پہنچا۔ اس حملے میں کسی جانی نقصان کی اطلاع نہیں ملی۔ رپورٹ کے مطابق حالیہ کشیدگی کے دوران امریکی فضائیہ کے کم از کم سات ری فیولنگ طیارے یا تو تباہ ہوئے ہیں یا شدید متاثر ہوئے ہیں۔ یہ طیارے فضائی آپریشنز میں اہم کردار ادا کرتے ہیں کیونکہ یہ جنگی جہازوں کو دورانِ پرواز ایندھن فراہم کرتے ہیں۔

فوجی ماہرین کے مطابق سعودی عرب کے فضائی اڈے دنیا کے جدید ترین دفاعی نظاموں میں شمار ہوتے ہیں۔ پرنس سلطان ایئر بیس خاص طور پر امریکی اور سعودی مشترکہ فوجی سرگرمیوں کا اہم مرکز ہے اور یہاں جدید فضائی دفاعی نظام تعینات ہیں۔ایسے مضبوط دفاعی انتظامات کے باوجود ایرانی میزائل کا اس اڈے تک پہنچنا اور امریکی طیاروں کو نقصان پہنچانا غیر معمولی واقعہ قرار دیا جا رہا ہے۔ تجزیہ کاروں کے مطابق یہ واقعہ خطے میں جاری فوجی کشیدگی کے مزید پھیلنے کا اشارہ بھی ہو سکتا ہے۔