پیپسی کمپنی کے اسلام آباد میں بڑے ڈسٹری بیوٹرز حیدری مشروب کے گودام کو فوڈ سیفٹی قوانین کی مبینہ خلاف ورزی پر اسلام آباد فورڈ اتھارٹی نے سیل کر دیا
ذرائع کے مطابق 100 زائد بیگز پر تاریخیں ٹیمپرڈ اور تھیلوں پر کاکروچز پائے گئے جن کی مالیت 10 لاکھ سے زائد بتائی جا رہی ہے مجموعی طور پر 50 ہزارسے زائد چینی کے ایکسپائر اینڈ infested چینی کےتھیلے بھی قبضہ میں لے لیے،اسلام آباد فوڈ اتھارٹی (آئی ایف اے) نے فوڈ سیفٹی قوانین کی مبینہ خلاف ورزیوں پر پیپسی مصنوعات کے بڑے ڈسٹری بیوٹر حیدری مشروب کے گودام کو سیل کر دیا ہے۔ یہ کارروائی اسلام آباد میں کی گئی، جہاں گودام میں ذخیرہ شدہ اشیائے خورونوش کے معائنے کے دوران سنگین بے ضابطگیاں سامنے آئیں۔
صحافی شہزاد پراچہ کی جانب سے سوشل میڈیا پلیٹ فارم ایکس (سابقہ ٹوئٹر) پر پوسٹ کے مطابق اسلام آباد فوڈ اتھارٹی کی ٹیم نے گودام کا معائنہ کیا تو وہاں موجود چینی کی بوریوں تشویشناک خامیاں پائی گئیں۔حکام کا کہنا ہے کہ معائنے کے دوران 100 سے زائد چینی کی بوریوں پر مینوفیکچرنگ اور ایکسپائری کی تاریخوں میں ردوبدل پایا گیا۔ مزید یہ کہ متعدد بوریوں کے اندر کاکروچ موجود تھے، جس سے صفائی کے انتہائی ناقص انتظامات اور صارفین کی صحت کو لاحق سنگین خطرات کا انکشاف ہوا۔ ذرائع کے مطابق تاریخیں تبدیل کی گئی چینی کی بوریوں کی مالیت 10 لاکھ روپے سے زائد ہے۔فوڈ اتھارٹی کے مطابق مزید جانچ پڑتال میں انکشاف ہوا کہ 50 ہزار سے زائد بوریاں یا تو زائدالمیعاد تھیں یا پھر کیڑے مکوڑوں سے آلودہ تھیں۔
حکام نے خبردار کیا کہ اس طرح کی آلودہ خوراک کی ترسیل عوامی صحت کے لیے نہایت خطرناک ثابت ہو سکتی ہے۔
ان سنگین خلاف ورزیوں پر اسلام آباد فوڈ اتھارٹی نے موقع پر ہی گودام کو سیل کر دیا اور متعلقہ فوڈ سیفٹی قوانین کے تحت قانونی کارروائی کا آغاز کر دیا ہے۔ حکام کا کہنا ہے کہ یہ اقدام عوامی صحت کے تحفظ کے لیے اتھارٹی کے مینڈیٹ کے عین مطابق اٹھایا گیا ہے۔