اسرائیلی وزیراعظم بنیامین نیتن یاہو نے سیکیورٹی کابینہ کو بریفنگ دیتے ہوئے کہا ہے کہ امریکا اور ایران کے مؤقف میں اب بھی واضح فرق موجود ہے، جس کے باعث صورتحال غیر یقینی ہے اور اسرائیل فی الحال "انتظار اور دیکھو” کی پالیسی اختیار کرے گا۔
میڈیا رپورٹس کے مطابق نیتن یاہو نے کہا کہ واشنگٹن نے اس بات کا عزم ظاہر کیا ہے کہ ایران کی افزودہ یورینیم کو یا تو مذاکرات کے ذریعے ختم کیا جائے گا یا پھر ضرورت پڑنے پر دوبارہ فوجی کارروائی کی جائے گی۔
اجلاس میں شریک حکام نے اس بات کا بھی عندیہ دیا کہ جنگ بندی ختم ہونے کے بعد اسرائیل دوبارہ فوجی آپریشن شروع کر سکتا ہے، جس سے خطے میں کشیدگی ایک بار پھر بڑھنے کا خدشہ ہے۔
تجزیہ کاروں کے مطابق یہ بیان ظاہر کرتا ہے کہ اگر سفارتی کوششیں ناکام ہوئیں تو مشرق وسطیٰ ایک بار پھر بڑے تصادم کی طرف جا سکتا ہے۔
ماہرین کا کہنا ہے کہ موجودہ صورتحال میں جنگ بندی عارضی دکھائی دیتی ہے اور مستقبل کا انحصار امریکا اور ایران کے درمیان ہونے والے مذاکرات پر ہوگا۔
جنگ بندی کے بعد اسرائیل کی دوبارہ کارروائی کا عندیہ
