قطر کی وزارت خارجہ کے ترجمان ماجد الانصاری نے کہا ہے کہ اگر ایران حملے روک دے تو مسئلے کا حل سفارت کاری کے ذریعے نکالا جا سکتا ہے۔
پیر کے روز بیان دیتے ہوئے ماجد الانصاری نے کہا کہ موجودہ صورتحال میں کشیدگی کم کرنا ضروری ہے تاکہ مذاکرات کا راستہ ہموار ہو سکے۔
انہوں نے کہا کہ اس وقت کمیٹیاں بنانے کے بجائے اصولی مؤقف اختیار کرنے اور اپنے ملک کے تحفظ کو یقینی بنانے کی ضرورت ہے۔
قطری ترجمان کا کہنا تھا کہ خطے میں بڑھتی کشیدگی کے باوجود سفارتی راستہ اب بھی موجود ہے اور اگر فریقین حملے روک دیں تو مذاکرات کے ذریعے تنازع کا حل تلاش کیا جا سکتا ہے۔
ایران حملے روک دے تو سفارت کاری سے حل ممکن ہے: قطر
