جو بھی پنجاب میں گندگی پھیلائے گا، جرمانے کی سزا پائے گا،مریم نواز کا حکم

پنجاب میں صفائی والی گاڑیاں بھی اب ماحول دوست الیکٹرک وہیکلز ہونگیں ،پنجاب میں اب کوڑے کرکٹ سے بھی انرجی پیدا کی جائے گی،وزیراعلیٰ مریم نواز شریف نے ”ویسٹ ٹو ویلیو“پراجیکٹ کے لئے وسط جنوری تک جامع پلان طلب کر لیا

پنجاب کے ہر گلی کوچے میں ،اب اتوار کو بھی پنجاب میں صفائی ہوگی،وزیر اعلی مریم نواز شریف نے ستھرا پنجاب کی گاڑیوں کو الیکٹرک وہیکل متعارف کرانے کا حکم دے دیا،پنجاب میں کمرشل ایریاز اور سڑک پر کوڑا کرکٹ پھیلانے والے قانون کے شکنجے میں ،جرمانے ہونگے،پنجاب میں روڈز پر کوڑا کرکٹ پھیلانے والا 15 دن کے بعد قانون کی گرفت میں آئے گا،پنجاب میں پہلی مرتبہ اتوار کے روز بھی صفائی کے لئے عملہ تعینات کرنے کا فیصلہ کیا گیا ہے، روایتی جھاڑو کی بجائے ستھرا پنجاب کے ہیروز جدید میکنیکل سوئپر استعمال کرنے پر اتفاقِ کیا گیا،ستھرا پنجاب کے تحت ہر یونین کونسل میں صفائی کے ہیروز کی تعداد بڑھائی جائے گی،پنجاب کی ہر دو یونین کونسل کو ایک ٹریکٹر کی فراہمی کی تجویز کا جائزہ لیا گیا،صفائی کا نیا نظم و نسق اور نئے معیار کے لئے پنجاب میں کوڑے دان اور کنٹینر کے لیے باقاعدہ ویسٹ انکلوژر بنائے جائیں گے

وزیراعلیٰ مریم نواز شریف کی زیر صدارت خصوصی اجلاس، ستھرا پنجاب کے ہر پہلو پر تفصیلی بریفنگ،مزید جدت لانے کا فیصلہ کیا گیا،وزیراعلیٰ پنجاب مریم نواز کا کہنا تھا کہ صفائی کا اتنا بڑا نظام کسی معجزے سے کم نہیں۔ شہروں اور دیہات کی صفائی کا جامع نظام برسوں پہلے بننا چاہیے تھا،زیرو سے آغاز کیاوقت کے ساتھ ساتھ ستھرا پنجاب پراجیکٹ میں بہتری لارہے ہیں۔ صوبے بھر میں ستھرا پنجاب پر عوام کی طرف سے اچھے کام کا مثبت فیڈ بیک آرہا ہے۔دوران اجلاس بریفنگ میں بتایا گیا کہ شفافیت کے لئے ستھرا پنجاب میں تنخواہوں اور ادائیگی کا سسٹم ڈیجیٹلائز کر دیا گیا۔ گاڑیوں کی چیکنگ کے لئے وہیکل ٹریکنگ مینجمنٹ سسٹم اور لائیو کنٹینر مانیٹرنگ جاری ہے۔ویسٹ کمپنیوں کے لئے کے پی آئیز کے مطابق مارکس دیکر کارکردگی کا تعین کیا جارہا ہے۔