اسلام آباد پولیس، پاکستان رینجرز اور سی سی ڈی پنجاب پولیس نے مشترکہ کارروائی کرتے ہوئے اسلام آباد اور راولپنڈی کے مختلف علاقوں میں سرچ آپریشن کے دوران 160 سے زائد افغان مشتبہ افراد کو حراست میں لے لیا۔
حکام کے مطابق کارروائی سیکیورٹی خدشات کے پیش نظر کی گئی، جس میں متعدد علاقوں میں گھر گھر تلاشی لی گئی۔ آپریشن کے دوران مجموعی طور پر 165 گھروں کی تلاشی اور تقریباً 600 افراد کی شناختی جانچ پڑتال کی گئی۔
پولیس حکام کا کہنا ہے کہ زیرِ حراست افراد کی دستاویزات اور قانونی حیثیت کی جانچ جاری ہے، جبکہ مزید تفتیش کے بعد قانونی کارروائی عمل میں لائی جائے گی۔
سیکیورٹی اداروں کے مطابق سرچ آپریشن کا مقصد غیر قانونی قیام، مشتبہ سرگرمیوں اور ممکنہ سیکیورٹی خطرات کی روک تھام تھا، جبکہ ایسے اقدامات آئندہ بھی جاری رکھنے کا عندیہ دیا گیا ہے۔
اسلام آباد اور راولپنڈی میں مشترکہ سرچ آپریشن، 160 سے زائد افغان مشتبہ افراد گرفتار
