شہر قائد کراچی میں پولیس نے بلدیہ ٹاؤن کے علاقے میں جعلی ادویات تیار کرنے والی فیکٹری پر چھاپہ مار کر 3 ملزمان کو گرفتار کر لیا اور بھاری مقدار میں جعلی ادویات برآمد کر لیں۔
پولیس کے مطابق فیکٹری کا مالک صدیق اور اس کا بیٹا زید فرار ہو گئے ہیں، جن کی تلاش جاری ہے۔ یہ دونوں طویل عرصے سے فیکٹری چلا کر جعلی ادویات تیار کر رہے تھے۔ خفیہ اطلاع پر کارروائی کرتے ہوئے چھاپہ مارا گیا۔
تمام گرفتار ملزمان کے خلاف مقدمہ درج کر کے قانونی کارروائی شروع کر دی گئی ہے۔ پولیس نے عوام کو خبردار کیا ہے کہ جعلی ادویات کے استعمال سے انسانی جانوں کو شدید خطرہ لاحق ہے۔
کراچی: بلدیہ ٹاؤن میں جعلی ادویات کی فیکٹری پر چھاپہ
