کورونا کی تیسری لہر نے ایک بار پھر دنیا بھر کو اپنی لپیٹ میں لے لیا بھارت میں کورونا وائرس تیزی سے پھیلنے لگا ہے اور وائرس کی شرح میں ایک دم خطرناک حد تک اضافہ دیکھنے میں آیا ہے تاہم اب بالی وڈ اداکار کارتک آریان بھی عالمی وبا کورونا وائرس کا شکار ہوگئے ہیں-

باغی ٹی وی : وائرس کی تیزی سے پھیلتی اس لہر نے بالی ووڈ کو بھی اپنی لپیٹ میں لے لیا ہے اور صرف گزشتہ ایک ہفتے سے بھی کم عرصے میں متعدد اداکار وائرس کا شکار ہوگئے ہیں جن میں رنبیر کپور، سنجے لیلا بھنسالی اور منوج باجپائی و دیگر شامل ہیں-

بھارتی میڈیا رپورٹس کے مطابق اداکار کارتک آریان نے یہ خبر اپنے سوشل میڈیا اکاؤنٹ انسٹاگرام پر شیئر کی اور مداحوں سے کہا ہے کہ وہ ان کی کورونا سے صحت یاب ہونے کی دعا کریں۔

کارتک نے اپنے اکاؤنٹ پر ایک پوزیٹیو کی علامت کی تصویر کے ساتھ لکھا کہ کورونامثبت ہو گیا ہوں، دعا کرو۔

واضح رہے کہ حال ہی میں کارتک کو لکمے فیشن ویک کے دوران ڈیزائنر منیش ملہوترا کے لیے ریمپ پر واک کرتے دیکھا گیا تھا۔

کارتک ان دنوں فلم ‘بھول بھلیاں 2’ کی شوٹنگ کر رہے تھے اور اب قوی امکان ہے کہ فلم کی شوٹنگ تاخیر کا شکار ہو گی کارتک آریان کے آئندہ بالی وڈ پروجیکٹس میں دھماکا، بھول بھلیاں 2 ، دوستانہ 2 اور سونو کے ٹیٹو کی سویٹی 2 جیسی فلمیں ہیں۔

رنبیر کپورعالمی وبا کورونا وائرس کا شکار ہوگئے

سنجے لیلا بھنسالی بھی عالمی وبا کورونا کا شکارہوگئے