لاڑکانہ میں منشیات رکھنے کے الزام میں لیڈی پولیس کانسٹیبل گرفتار


لاڑکانہ میں منشیات رکھنے کے الزام میں لیڈی پولیس کانسٹیبل کو گرفتار کر لیا گیا ہے۔ پولیس کے مطابق گزشتہ شب ملزمہ کے گھر پر چھاپے کے دوران 150 گرام آئس برآمد ہوئی۔
پولیس کا کہنا ہے کہ کارروائی کے دوران گرفتار لیڈی کانسٹیبل کی والدہ سے بھی 2 کلو چرس برآمد کی گئی۔ مزید تفتیش پر ملزمہ کی نشاندہی پر اس کے تین ساتھیوں کو بھی گرفتار کیا گیا، جن کے قبضے سے 12 کلو چرس برآمد ہوئی۔
‎پولیس کے مطابق گرفتار لیڈی کانسٹیبل کو معطل کر دیا گیا ہے جبکہ وومن تھانے میں مقدمہ درج کر کے قانونی کارروائی شروع کر دی گئی ہے۔