نوجوانوں کو منشیات کی لعنت سے چھٹکارا دلانے اور اس سے متعلق آگاہی کیلئےپاکستان سپر لیگ کی فرنچائز لاہور قلندرز اور اینٹی نارکوٹکس فورس پاکستان کے درمیان مفاہمت کی یادداشت پر دستخط کئے گئے۔
مفاہمتی یادداشت کے مطابق لاہور قلندرز اور اینٹی نارکوٹکس فورس مل کر نوجوانوں میں منشیات کے خلاف آگاہی کے لیے کام کریں گے اور لاہور قلندرز کھیلوں کی سرگرمیوں اور آگاہی مہم کے ذریعے منشیات کے استعمال کے خلاف جہاد کریں گے۔ کمانڈر ریجنل ڈائریکٹوریٹ اینٹی نارکوٹکس فورس پنجاب اور رانا عاطف سی ای او لاہور قلندرز کے درمیان مفاہمت کی یادداشت پر باضابطہ دستخط کیے۔