بھارت کی نوجوان اداکارہ ندھی اگروال مداحوں میں اتنی مقبول ہوگئیں کہ ان کے نام کے مندر میں اداکارہ کی مورتی بنا کر لوگوں نے پوجا پاٹ شروع کردی۔
باغی ٹی وی : بھارتی میڈیا رپورٹس کے مطابق ندھی اگروال بھارت کی مقامی تامل فلم انڈسٹری کی نوجوان اور خوبرو اداکارہ ہیں جنہوں نے صرف دو ہی فلموں میں کام کیا ہے تاہم اداکارہ اپنی خوبصورتی کے باعث مداحوں میں بہت مقبول ہیں اور مداحوں نے ان کے نام کر مندر بنا یا ہے اداکارہ مداحوں کی جانب سے اپنے نام کا مندر بنانے پرحیران ہوگئیں۔
اداکارہ کے مداحوں نے بھارتی شہر چنئی میں ان کے نام سے مندر منسوب کیا ہے جہاں ان کی مورتی بنا کر پوجا کی گئی۔
گزشتہ اتوار کو اداکارہ کی مورتی بنا کر اسے دودھ سے نہلایا گیا اور لوگوں نے ساتھ ہی پوجا پاٹ بھی کیا۔ جس پر اداکارہ نے بھی حیرانی کا اظہار کیا۔