معروف اداکارہ مایا خان جن کی زندگی اور کیرئیر کافی زیادہ اتار چڑھائو کا شکار رہا ہے ، انہوں نے ہمیشہ یہ ثابت کیا ہے کہ وہ ایک بہادر خاتون ہیں جو مشکل سے مشکل حالات سے نمٹ لیتی ہیں. اداکارہ نے حال ہی میں ایک مارننگ شو میں شرکت کی جہاں انہوں نے اپنے عمرہ سفر کے بارے میں بات کرتے ہوئے انکشاف کیا کہ انہوں نے پانچ ماہ کے اندر چھ عمرے کیے ہیں۔انہوں نے کہا کہ میں 2017 میں عمرہ پر گئی تھی، میں نے اللہ سے دعا کی تھی کہ ‘جب بھی میرے پاس پیسے ہوں تو میں یہاں آنا چاہتی ہوں۔
اور یہ دعا قبول ہوئی کیونکہ اسکے بعد مجھے ایک سال کا ویزہ دیا گیا، جسے دیکھ کر میں چونک گئی اور امیگریشن آفس میں ہی رونے لگی۔ ”میں نے اسے اللہ کی دعوت سمجھا اور اس سال میں نے پانچ ماہ میں چھ عمرے کئے”۔انہوں نے کہا کہ یہ خدا کی کسی بھی انسان پر رحمت ہوتی ہے اور میرے رب کی مجھ پر بہت مہربانی ہے ورنہ میری زندگی کی مشکلات کو کم ہونےکا نام ہی نہیںلیتیں، خدا کے گھر جا کر جو دل کو سکون ملتا ہے وہ الفظوں میں بیان نہیں کر سکتی.