عالمی میڈیا تنظیموں کا غزہ میں صحافیوں کو داخلے کی اجازت دینے کا مطالبہ

بین الاقوامی میڈیا اداروں اور آزادی صحافت کے لیے سرگرم عالمی تنظیموں نے اسرائیل سے مطالبہ کیا ہے کہ صحافیوں کو غزہ میں رپورٹنگ کے لیے داخلے کی اجازت دی جائے۔

رپورٹرز وِدآؤٹ بارڈرز، کمیٹی ٹو پروٹیکٹ جرنلسٹس سمیت دیگر اداروں نے ایک کھلے خط میں کہا ہے کہ اسرائیل گزشتہ 20 ماہ سے صحافیوں کو غزہ میں داخل ہونے سے روک رہا ہے، جو ایک غیر معمولی اور تشویشناک صورتحال ہے۔خط میں مطالبہ کیا گیا ہے کہ میڈیا کو غزہ تک آزاد، غیر مشروط اور غیر محدود رسائی دی جائے تاکہ جنگ زدہ علاقے سے درست معلومات سامنے آ سکیں۔ ساتھ ہی، ان صحافیوں کی حفاظت یقینی بنانے پر زور دیا گیا ہے جو محاصرے کے دوران اندر سے رپورٹنگ کر رہے ہیں۔

تنظیموں کے مطابق اب تک تقریباً 200 صحافی اسرائیلی کارروائیوں میں جاں بحق ہو چکے ہیں جبکہ متعدد زخمی بھی ہوئے ہیں۔ خط میں کہا گیا ہے کہ یہ اقدامات آزادی صحافت اور معلومات تک رسائی کے بنیادی حق پر براہ راست حملہ ہیں۔

عالمی برادری، حکومتوں اور اداروں سے مطالبہ کیا گیا ہے کہ غزہ میں صحافیوں اور عام شہریوں کی سلامتی یقینی بنانے کے لیے فوری اقدامات کیے جائیں۔

اوچ شریف:سروس اسٹیشنز پر کریک ڈاؤن، ڈینگی مہم میں غفلت ہرگز برداشت نہیں کی جائے گی, عمران سیال

ملیر جیل بریک: 115 ملزمان عدالتی ریمانڈ پر جیل منتقل، 111 قیدی تاحال مفرور