بھارت کی مہاراشٹرپولیس کے سائبر ونگ نے 25 سالہ انجینئرنگ گریجویٹ کو گرفتار کر لیا، جو مبینہ طور پر مہاراشٹر کی ماحولیات کی وزیر پنکجا منڈے کو مسلسل فون کالز اور پیغامات کے ذریعے ہراساں کر رہا تھا
مذکورہ ملزم کو امول چگنراؤ کلے کے نام سے شناخت کیا گیا ہے، جو بیڈ ضلع کا رہائشی ہے۔ اسے پونے کے قریب بھوسری سے گرفتار کیا گیا، بی جے پی کی رہنما، وزیر پنکجا منڈے کو گزشتہ کچھ دنوں سے ان کے ذاتی موبائل نمبر پر بار بار کالز اور پیغامات موصول ہو رہے تھے، جس کے بعد مہاراشٹر سائبر پولیس میں شکایت درج کی گئی۔اس سلسلے میں بھارتیہ نیایا سنہیتا (BNS) کی دفعہ 78 (پابندی) اور 79 (عورت کی عفت کو توہین کرنے والے الفاظ یا افعال) کے تحت کیس درج کیا گیا اور انفارمیشن ٹیکنالوجی ایکٹ کی متعلقہ دفعات کے تحت ملزم کے موبائل نمبر کا پتہ چلایا گیا۔حکام کے مطابق ملزم امول کلے سے اس کے ارادوں کے بارے میں تفتیش کی جا رہی ہے،