مولانا فضل الرحیم اشرفی مہتمم جامعہ اشرفیہ لاہور انتقال کر گئے، نماز جنازہ آج

مولانا فضل الرحیم اشرفی مہتمم جامعہ اشرفیہ لاہور انتقال کر گئے مرحوم کی نماز جنازہ آج ادا کی جائے گی۔

مولانا فضل الرحیم اشرفی طویل عرصے سے علالت کے بعد 92 سال کی عمر میں انتقال کرگئے، مولانا فضل الرحیم اشرفی کی نماز جنازہ آج 5 جنوری بروز سوموار دوپہر دو بجے بعد نماز ظہر جامعہ اشرفیہ میں ادا کی جائے گی ۔

مولانا فضل الرحمن ، مولانا مفتی محمد تقی عثمانی،مولانا قاری محمد حنیف جالندھری ، مولانا ڈاکٹر سعید احمد عنایت اللہ اور دیگرنے تعزیت کااظہار کیا ہے-
مولانا فضل الرحمان نے اظہار تعزیت کرتے ہوئے کہا کہ فضل الرحیم اشرفی کا سانحہ ارتحال علمی حلقوں کے لئے ناقابل تلافی نقصان ہےمولانا مرحوم کی خدمات کا دائرہ وسیع اور ہمہ جہت تھا جامعہ اشرفیہ کا علمی معیار اور تعلیم وتربیت میں مثالی کردار مولانا مرحوم کی وسعت فکر کا نمونہ ہے مولانا مرحوم ثقہ عالم، کہنہ مشق مدرس ،بلند پایہ مصنف اور علوم عقلیہ ونقلیہ کے جامع تھےانہوں ںے پوری زندگی علوم اسلامیہ کی خدمت میں گذری مدارس کے تحفظ سمیت دینی تحریکات کے صف اول کے اکابرین میں سے تھے ۔

اداکار آغا شیراز کو دل کا دورہ، اسپتال میں زیر علاج

واضح رہے کہ مولانا فضل الرحیم اشرفی پاکستان کے بڑے مذہبی ادارے جامعہ اشرفیہ کے مہتمم تھےاور قرآن بورڈ کے چیئرمین اور وفاق المدارس العربیہ پاکستان کے سرپرست تھے،مرحوم جامعہ اشرفیہ لاہور کے شیخ الحدیث ، قرآن بورڈ حکومت پنجاب کے چیئرمین، عالمی رابطہ ادب اسلامی پاکستان کے صدر ،وفاق المدارس العربیہ پاکستان کے سرپرست اور کئی دینی کتابوں کے مصنف تھے –

لکی مروت میں پولیس کا کامیاب انٹیلیجنس بیسڈ آپریشن، 3 خارجی جہنم واصل